Whatever Bar & Restaurant (已結業)

今日想喺尖沙咀食西餐，揾揾吓去咗位于广东道嘅呢一间餐厅，呢一度有户外同室内嘅座位，我哋就坐喺室内，气氛都唔错～不过张枱就细咗啲，我哋嘅嘢食都唔可以一次过摆晒喺张枱度🙈首先我哋叫咗个帕尔马火腿芝士意大利云吞 ($128)，虽然份量唔算好多，但系个芝士汁非常香浓，加上意大利云吞细细粒好索汁，上面有两块好脆口嘅火腿，但系我哋都略嫌火腿比较咸，整体嚟讲都系好食嘅😋之后就叫咗一个四重芝士pizza ($98)，上面除咗有平时pizza会见到嘅芝士之外，仲有蓝芝士，食落真系感觉到唔同芝士嘅香气，而且个皮都烤得非常香脆～另外呢个蒜蓉芝士多士 ($68)铺咗一层好厚嘅蒜蓉酱再加芝士，所以浓浓嘅蒜蓉味即刻涌哂出嚟，都几好食😋压轴出场嘅竟然系呢个牛油果酱配墨西哥粟米脆片($78)～呢个份量真系超大碟，除咗牛油果酱，上面仲有一啲黑醋，令到成个层次感加强，系一个好适合配啤酒嘅小食～最后我哋叫咗一杯mocktail叫winter ($78)，佢系有牛奶、乳酪、热情果同埋石榴嘅饮品，奶味相对重，有淡淡嘅果味，我觉得几特别😆第一次嚟帮衬，感觉都唔差，觉得呢一间餐厅都非常之有诚意，制作认真👍🏻