影片
更多
2023-03-15
79 浏览
揾Bar Chill下饮嘢，通常对小食、餐点都冇咩要求，叫志在有嘢填下肚，唔太难食的话都收货喇。尖沙咀DKLM Bar，Menu选择多，食物仲有惊喜。DKLM Bar 位于尖沙咀金巴利道，近诺士佛台，系君怡酒店后少少的MW Plaza。楼上bar 空间都十足，bar 两边系座位，有卡位亦有high chair。餐厅中间可以笃波、Beer Pong或者其他玩酒game，四围挂晒电视，睇波气氛会唔错。相信人多的话仲可以唱K，岩一大班朋友包场Gathering。本身谂住饮下酒吹水，轻食少少就算，但睇到menu，前菜、沙律、主菜、意粉到小食都有得拣，心思思就拣了两样。
¶迷你安格斯牛肉汉堡伴松露薯条及巴马火腿沙律菜卷＄98
迷你小burger都唔算mini，2个人share 份量好好。安格斯牛肉厚身，亦都juicy，另外芝士系流心。薯条即叫即炸，系幼身脆口那种，非常香脆，质素好过唔少餐厅的出品。伴菜的巴马火腿卷，都唔hea。¶黑松露野菌忌廉汁意大利粉$88
意粉价钱好合理，重点系即叫叫做，上碟仲系好热好热好热。一上已经有很香的松露味道，白汁意粉挂汁味道几好，而且过淋或硬。饮酒前食少少野，呢碟系
DKLM Bar 位于尖沙咀金巴利道，近诺士佛台，系君怡酒店后少少的MW Plaza。楼上bar 空间都十足，bar 两边系座位，有卡位亦有high chair。餐厅中间可以笃波、Beer Pong或者其他玩酒game，四围挂晒电视，睇波气氛会唔错。相信人多的话仲可以唱K，岩一大班朋友包场Gathering。
本身谂住饮下酒吹水，轻食少少就算，但睇到menu，前菜、沙律、主菜、意粉到小食都有得拣，心思思就拣了两样。
¶迷你安格斯牛肉汉堡伴松露薯条及巴马火腿沙律菜卷＄98 迷你小burger都唔算mini，2个人share 份量好好。安格斯牛肉厚身，亦都juicy，另外芝士系流心。薯条即叫即炸，系幼身脆口那种，非常香脆，质素好过唔少餐厅的出品。伴菜的巴马火腿卷，都唔hea。
¶黑松露野菌忌廉汁意大利粉$88 意粉价钱好合理，重点系即叫叫做，上碟仲系好热好热好热。一上已经有很香的松露味道，白汁意粉挂汁味道几好，而且过淋或硬。饮酒前食少少野，呢碟系好选择。
酒menu好多选择，Classic Cocktail、Signature Cocktail、Shooter都有得拣。另外红白酒、啤酒or 威士忌都有。
¶ Margarita $68 (Happy Hour)
用龙舌兰做基酒，加橙酒同柠檬汁，杯边加盐，入口酸酸甜甜，清新都易入口，好岩近排呢排唔热又唔冻的天气。
¶ Passionista $48 (Happy Hour) + $20 Rum
原来系Mocktail，用青苹果、苹果加柠檬汁整成，另外加钱，加了一shot rum，绵软顺口，少少焦糖味。味道好fresh，果味好match。加少少酒精，味道level up。
整体来讲，岩朋友包场Gathering玩game，食物选择多而且质素ok，加上空间够大，价钱都唔贵，happy hour仲几抵饮。
张贴
