樂園 (已搬遷) 新店位置

今日系我同爱人既纪念日,紧系要揾间特别既餐厅庆祝啦。由于我知道间餐厅养左几只猫星人, 而我女人都好中意猫咪所以谂住比个惊喜佢 。上到走店员带左我地去近角落的位置。餐厅内既布置同摆设都系围绕猫猫同埋一啲开心嘅事，俾人嘅感觉真系好似𠮶铺名一样叫做「乐园」。去到我哋谂咗好耐唔知食咩，所以就问店员有咩好介绍。佢就介绍咗个「厨师发板」比我哋，有约10款嘅嘢食满足晒我哋有选择困难症嘅人唔使拣咁多。由于佢喱个有得写字，我紧系写黎庆祝我地既纪念日 ，另外我觉得佢摆设得好靓好有心思。我觉得佢𠮶几款嘢食入面最好食嘅都系牛柳粒。佢啲牛柳粒配蒜片食配搭好合适。店员重教我地既食法，先食咗啲热食再食个布冧，咁样去清下啲油腻再食冷盘。我睇得出个厨师对食物嘅要求系好高好有心。饮品方面 我爱人试左个薰衣草花茶，而我就叫左榛子朱古力。因为我唔钟意饮花茶，所以我觉得个朱古力比较好饮。最后食晒个厨师拍板仲想试其他野我哋就叫一个日式广岛蚝。总结来讲我觉得厨师发板值得一试。