影片
更多
2024-04-11
476 浏览
氹自己开心得闲换吓口味，今次试吓喺尖沙咀路过嘅呢间主打食巴黎法式薄饼餐厅. 平时好少地方食到. 餐厅门面用上优雅云石墙身，店内环境简约舒适用色朴实，整体同一般咖啡店大小无异，都好适合同朋友倾偈享受随意嘅一餐. Menu大致分为咸/甜可丽饼仲有甜品，都系比较简单嘅轻食. QR code自助落单，店员之后会将食物送上，佢哋几好笑容，有礼貌. 可丽饼我哋叫一个咸点叫一个甜点开心share, Perfect！即叫即整够新鲜，饼皮软熟蛋香味十足. 高质. ⭐️法式梳打水Pina Colada充满揶香味同菠萝嘅鲜甜味，梳打水解渴透心凉. Creamsicle 带有丰富橙味同散发淡淡奶油香. ⭐️秘制瑞士芝士汁配黑松露带子可丽饼棉软饼皮面有新鲜沙律菜，洒上芝士丝仲有黑松露酱点缀. 饼入面铺满带子粒同蘑菇好丰富，望落胀卜卜, 带子爽口弹牙沾满咸香特制芝士酱汁好Juicy.本身都觉得有啲贵要百几蚊，不过见到咁多带子而且高质觉得真系好揼本，超值. ⭐️提拉米苏可丽饼 呢个传统法式Crossover意式甜品比分开食更将两者精粹发扬光大，感觉青出于蓝. 烟烟韧韧嘅Crepe 皮充满蛋香，内里包裹住马斯卡邦芝士、蛋糕
⭐️法式梳打水
Pina Colada充满揶香味同菠萝嘅鲜甜味，梳打水解渴透心凉. Creamsicle 带有丰富橙味同散发淡淡奶油香.
⭐️秘制瑞士芝士汁配黑松露带子可丽饼
棉软饼皮面有新鲜沙律菜，洒上芝士丝仲有黑松露酱点缀. 饼入面铺满带子粒同蘑菇好丰富，望落胀卜卜, 带子爽口弹牙沾满咸香特制芝士酱汁好Juicy.本身都觉得有啲贵要百几蚊，不过见到咁多带子而且高质觉得真系好揼本，超值.
⭐️提拉米苏可丽饼
呢个传统法式Crossover意式甜品比分开食更将两者精粹发扬光大，感觉青出于蓝. 烟烟韧韧嘅Crepe 皮充满蛋香，内里包裹住马斯卡邦芝士、蛋糕同手指饼，咬落劲浓烈冧酒酒味嗒落散发咖啡嘅甘香，饼面有柠檬味马卡龙及云呢拿雪糕，洒上满满嘅可可粉，打卡一流.
除咗K11分店，仲有中环总店开业多年，近年都喺康城开咗Pop up店. 想试正宗法式薄饼嘅朋友唔好错过啦.
张贴
