小清邁 (柯士甸大廈) (已結業)

今日去咗尖沙咀剪頭髮，因為唔知會整到幾點，咁就無約人食飯，都走得嘅時候發現落雨，所以就喺附近睇吓有冇外賣買返屋企，竟然俾我搵到間泰國菜外賣店，望到入面全部泰國廚師主理，企喺門口睇緊有咩食個陣已經聞到好香，所以揀咗幾樣試吓🤤🤤✨黃咖喱軟殼蟹好鍾意軟殼蟹外脆內軟嘅口感，黃咖喱好濃稠，配油酥餅食好夾✨酸辣鳳爪份量好多，鳯爪爽脆，酸酸甜甜好開胃✨生菜包用左好多泰式香料，味道非常正宗！都算幾辣🌶️🥵，唔食得辣🌶️記得叫少辣呢間小店仲有小食同甜品，泰式特飲可以選擇，不過已經叫咗好多野食，下次先再買黎試吓