葡匯咪走雞葡國餐廳 (已結業)

好中意试D特别嘅菜式，葡萄牙菜我除左葡挞之外都无试过其他😂，咁o岩揾到呢间葡萄牙餐厅，就同朋友来食。里斯本沙律呢个葡式沙律好特别，除左一般嘅沙律蔬菜，仲有芝士同埋好似系西莓，仲有啲甜甜酸酸嘅果干，口感同味道都好丰富。白呠烩鸡鸡肉煎得几好，而且大块又嫩滑，个酱都整得好好味，里面仲有西芹、薯仔同萝卜。呢个菜仲配埋面包比你可以点酱食！乳猪乳猪个皮好脆，无中式乳猪腌得咁浓味，味道唔错！旁边个饭好似西炒饭，不过里面系有腊肠。葡式西多士多士炸得几松脆，外面铺满玉桂粉同糖，好甜，但配埋酸酸地嘅士多啤梨同蓝莓，中和返个甜味。咖啡雪糕咖啡雪糕上面铺满花生同朱古力碎，苦中带甜，好食！雪糕上台嘅时候，餐厅会摆干冰系下面，然后有好多气会冒出来，呢个时候系打卡嘅好机会！葡式咖啡呢度嘅咖啡系葡式浓缩咖啡，有好多款式，系餐厅出面有得卖，我试左三种，咖啡味好香浓。比较特别系其中一种系decaf，无咖啡因。