漢城美食

营业中

休息中

前排同朋友去尖沙咀行街，咁岩想食韩国菜，朋友就带咗我去呢间餐厅到食野，餐厅菜式选择都几多；餐厅都系韩国人主理，见到职员都系韩国人，喺香港都可以食到正宗嘅韩国料理；餐厅环境都好舒服同整洁，座位都几宽敞，坐得好舒服，岩哂同朋友或者屋企人一齐食饭吹水。🥗前菜前菜都几丰富，有三款可以选择，分别系泡菜、芽菜、韮菜煎饼，个人特别推介泡菜同煎饼。🐮辣牛肉京葱汤辣牛肉汤嘅辣度唔算好辣，食唔到辣嘅人都可以食到；入面嘅配料都好丰富，有京葱、牛肉丝、菇、粉丝，而粉丝都好入味，好岩配埋饭一齐食。🐷韩式猪手（半份）👍猪手虽然得半份，但份量都好多，两个人食岩岩好；猪手嘅味道令人有惊喜，炆得非常入味，味道好似中式嘅卤水猪手，仲要起晒骨，肉嫩外皮Q弹，如果怕油腻，可以配埋生菜一齐食。