潮味居海鮮潮州菜館 (已結業)

食潮州菜嘅机会唔多, 但系每逢有如此良机, 功夫茶必然系我引颈以待嘅开场白。呢度嘅功夫茶并无令到我失望, 铁观音甘而不苦, 饮用后回甘嘅感觉令人特别醒神。接著系卤水鹅肉、鹅肝。鹅肝用白卤水慢慢浸熟, 没有添加酱油嘅卤水, 所以浸出来嘅鹅肝特别原汁原味。质地软绵香滑,中心位亦见粉嫩色, 系相当有水准之作; 而鹅肉亦是必试推介, 配料及卤水腌得入味之下, 加上香浓嘅肉味, 又点会唔好食~~潮州风味嘅红烧花胶翅跟香港平时食到嘅会有少少分别, 味道会更浓, 挥发出金华火腿嘅香味。而系真材实料嘅花胶烹煮下, 翅嘅质地必然会更浓更厚, 喜欢较「重口味」嘅朋友相信会非常钟情于呢碗翅!慢火煎原条咸马友: 表面煎得金黄色, 鱼皮香脆而肉质结实, 夹起上黎绝对唔会松散。若果想令味道更提升一个层次, 可将海味粉加添在鱼肉上, 海味粉用了瑶柱、虾干、大地鱼等磨制, 顿时提升鲜味!炸虾蟹枣及家乡抄面线亦系潮州嘅名菜。前者分别将虾肉、蟹肉拆出, 混入韭菜等馅料, 打至起胶, 然后再炸, 所以食起黎嘅时候, 虾枣及蟹枣定必弹牙十足! 而家乡抄面线看似平凡, 但却显厨师功架。整碟面线并不油腻, 但仍能做到面线分明,