影片
更多
2024-06-28
129 浏览
👦🏻👧🏻網上見到尖沙咀呢間泰國餐廳做緊優惠，晚市時間二人同行消費滿$300就會送火焰泰式燒春雞1隻🍗，咁抵梗係要去試吓啦😍！餐廳裝修舒適，配以綠色植物做裝飾🌿，充滿泰國風情🇹🇭！店員全程都非常有禮貌，走嗰時仲會幫我哋撳𨋢歡送我哋離開☺️🔥火焰泰式燒春雞1隻 免費店員會即席點著春雞，形成火焰效果！等待火燃燒後，店員會幫我哋拎隻春雞上碟，同埋送上手套方便我地食用。春雞外皮金黃酥脆，肉嫩配上秘製醬汁，豐富咗燒雞嘅味道。🧆泰式地道豐盛盤 $188小食拼盤啱晒咩都想試吓嘅我地，有沙嗲牛肉串、炸蝦餅、香茅豬頸肉、炸雞棗、香草豬肉腸同泰式無骨鳳爪，超級豐富呀！香茅豬頸肉外脆肉嫩配上甜酸汁食，好好味！🥘秘製咖喱海鮮農夫包 $168農夫包好大個，烤到外層脆口，包身煙靭索汁，香甜嘅黃咖喱滲透晒入包身😋～ 咖喱入面嘅材料好豐富，有炸原隻軟殼蟹、蝦、青口同魷魚。炸原隻軟殼蟹新鮮熱辣炸起，脆卜卜有肉汁！🥣冬陰功海鮮湯 細 $98有唔少海鮮係冬陰功裏面，有魷魚、青口同蝦。冬陰功味道酸辣，酸嘅味道多一啲，唔會好辣，飲落幾開胃。🍚火車炒飯 $118炒得有鑊氣，偏濕身，材料豐富有車厘茄、芥蘭、雞肉、豬肉等等，粒粒飯充滿蛋
🔥火焰泰式燒春雞1隻 免費
店員會即席點著春雞，形成火焰效果！等待火燃燒後，店員會幫我哋拎隻春雞上碟，同埋送上手套方便我地食用。春雞外皮金黃酥脆，肉嫩配上秘製醬汁，豐富咗燒雞嘅味道。
🧆泰式地道豐盛盤 $188
小食拼盤啱晒咩都想試吓嘅我地，有沙嗲牛肉串、炸蝦餅、香茅豬頸肉、炸雞棗、香草豬肉腸同泰式無骨鳳爪，超級豐富呀！香茅豬頸肉外脆肉嫩配上甜酸汁食，好好味！
🥘秘製咖喱海鮮農夫包 $168
農夫包好大個，烤到外層脆口，包身煙靭索汁，香甜嘅黃咖喱滲透晒入包身😋～ 咖喱入面嘅材料好豐富，有炸原隻軟殼蟹、蝦、青口同魷魚。炸原隻軟殼蟹新鮮熱辣炸起，脆卜卜有肉汁！
🥣冬陰功海鮮湯 細 $98
有唔少海鮮係冬陰功裏面，有魷魚、青口同蝦。冬陰功味道酸辣，酸嘅味道多一啲，唔會好辣，飲落幾開胃。
🍚火車炒飯 $118
炒得有鑊氣，偏濕身，材料豐富有車厘茄、芥蘭、雞肉、豬肉等等，粒粒飯充滿蛋香味！
📍 胡蝶 • 泰 (尖沙咀)
尖沙咀厚福街8號H8 16樓
张贴
