泰斗 (中達大廈)

营业中

休息中

去咗一间喺尖沙咀泰国菜馆, 地点好方便, 喺尖沙咀shopping 完又唔想去九龙城食泰国菜, 依间真系不二之选。餐厅位于商业大厦2楼, 一出䢂已经听到传来泰国音乐, 好有去咗泰国嘅感觉。室内主要都系传统泰国式摆设, 另外如果唔怕近期天气热, 亦都可考虑出户外小露台餐枱用餐。首先选咗一杯冻饮🥤White Temple (成份有乳酪、白葡萄酒、荔枝、橙汁、桃子、甜橙）好清新, 白酒更加带出果香, 酸酸地好开胃, 好啱夏天饮, 特别系只冰熊仔, 卖相吸引, 岩哂打卡!盐烧牛舌芯: 用牛舌中心部位做材料, 超嫩滑juicy, 食落带有淡淡炭烧味道, 牛味亦好浓郁。冬荫功明炉鱼:坊间大多泰式炉鱼都只系酸酸辣辣, 今次用咗冬荫功做汤底都系第一次, 鱼肉吸满冬荫功汤, 另外用上泰国粉丝同秀珍枯等做配料, 开胃又满足!泰式生虾:好爽口, 夹蒜片再沾酸辣汁食, 好惹味, 不过鲜味就唔太出。咸鱼炒芥兰:正常水准冇咩特别惊喜, 芥兰尽索咗个汁, 咸咸地。