Library Restaurant and Bar

营业中

休息中

约咗个好耐都冇见嘅朋友食饭，就佢放工地点就拣咗呢间餐厅。贪佢装修靓，可以打下卡之余，见到嘢食嘢饮啲评价都几好，试完之后觉得系冇失望，同预期一样咁好。如果天气冇咁热，坐喺露台吹吓风饮吓酒都够晒chill。‣ 慢煮封门牛柳 $348肉质相当鲜嫩，食到好浓郁嘅肉香，一上枱已经闻到香气扑鼻。酱汁都调配得恰到好处，而作为伴菜嘅薯蓉奶香十足，口感细腻而且滑溜，会推荐大家嗌嚟食。‣ 烧半黄鸡 $198个烧鸡相当吸引，好耐都未食过咁香嘅烧鸡。腌制嘅酱汁相对上比较甜，但系好中我口味。鸡肉超级嫩滑而且非常之多汁，一刀切落去嘅时候啲汁爆晒出嚟，真系好夸张，唯一有少少后悔冇叫到全只鸡嘅菜式。‣ 四大美人 $140‼️甜酒爱好者极推荐‼️入口嘅时候系有啲惊艳，酒精都算几浓嘅情况下，都饮得出荔枝、提子嘅果实香，味道清新而且口感轻盈，相当容易入口。而放上枱嘅时候，朋友都忍唔住话个杯同壸好靓，拎嚟打卡都正。