影片
更多
2024-10-13
394 浏览
周末特登拣一间有情调嘅餐厅，同男朋友一齐享受吓。虽然唔系fine dining，但系成个用餐体验都相当之唔错，现场仲有live band，望住个海景听住歌真系极之享受。‣ 五周年优惠二人套餐 $988· A4 鹿儿岛和牛他他薯仔千层和牛肉质细腻，入口嘅时候觉得劲香，食得出本身牛肉嘅鲜味。而薯仔千层外酥内软，香脆得嚟完全唔会觉得油腻，同和牛本身嘅嫩滑有互补嘅作用，或者可以话个口感更上一层楼，层次都丰富咗唔少。面头嘅金箔令到成道前菜更加精致，打卡一流。· 蓝鳍吞拿鱼他他西米薄脆配鱼子酱两道前菜我都觉得超出色，鱼肉质地都相当之细腻，调味唔重手，所以更加突显到吞拿鱼嘅鲜味。鱼子酱都系一个锦上添花嘅作用，少少嘅咸香先令个味道唔会太过单调。我都好钟意𠮶西米薄脆，同样都系令到个口感丰富咗。· 黑松露忌廉菌汤个汤真系令到我觉得有惊喜，冇谂过佢本身菇嘅可以做到咁浓郁，相当之舒服。而忌廉嘅加入就令到个汤更加顺滑，黑松露嘅味道真系可以话系个汤嘅灵魂，每一啖都好似饮紧精华咁样，相当钟意亦都好满意个汤。· 经典法式洋葱汤虽然相比起黑松露忌廉菌汤，洋葱汤就显得比较清淡啲，但系饮落口嘅时候都觉得好舒服，每一啖都饮到
‣ 五周年优惠二人套餐 $988
· A4 鹿儿岛和牛他他薯仔千层
和牛肉质细腻，入口嘅时候觉得劲香，食得出本身牛肉嘅鲜味。而薯仔千层外酥内软，香脆得嚟完全唔会觉得油腻，同和牛本身嘅嫩滑有互补嘅作用，或者可以话个口感更上一层楼，层次都丰富咗唔少。面头嘅金箔令到成道前菜更加精致，打卡一流。
· 蓝鳍吞拿鱼他他西米薄脆配鱼子酱
两道前菜我都觉得超出色，鱼肉质地都相当之细腻，调味唔重手，所以更加突显到吞拿鱼嘅鲜味。鱼子酱都系一个锦上添花嘅作用，少少嘅咸香先令个味道唔会太过单调。我都好钟意𠮶西米薄脆，同样都系令到个口感丰富咗。
· 黑松露忌廉菌汤
个汤真系令到我觉得有惊喜，冇谂过佢本身菇嘅可以做到咁浓郁，相当之舒服。而忌廉嘅加入就令到个汤更加顺滑，黑松露嘅味道真系可以话系个汤嘅灵魂，每一啖都好似饮紧精华咁样，相当钟意亦都好满意个汤。
· 经典法式洋葱汤
虽然相比起黑松露忌廉菌汤，洋葱汤就显得比较清淡啲，但系饮落口嘅时候都觉得好舒服，每一啖都饮到洋葱本身嘅甘甜，仲有块芝士系面，洋葱嘅甘甜配芝士嘅咸香真系唔错嘅配搭，凉凉哋𠮶阵饮好舒服。
· 轻炙日本鲜带子配鲜蚝忌廉意大利饭
平时好惊食饭，因为怕太饱，但系餐厅嘅份量处理得啱啱好，而且一早已经分好晒，个卖相都相当之靓同埋精致。每一啖食落口嘅时候，都会食到蚝嘅𠮶种鲜味，但系又唔会话太腥，其后就会食到忌廉嘅香，好食到真系几分钟就食晒。
· 美国顶级安格斯肉眼扒配鹅肝黑松露酱
鹅肝黑松露酱真系值得一赞，黑松露味亦都系相当之浓郁，真系神来之笔，毕竟牛扒就食得多，但系有一个出色嘅酱汁会令到成块牛扒更加突出。而本身牛扒亦都煎得相当出色，仍然保留粉嫩嘅状态，油脂亦相当均匀。
· 是日甜品
蛋糕嘅湿润程度啱啱好，而本身朱古力慕丝入口已经相当之顺滑，丝丝嘅苦涩味完美咁样平衡到本身朱古力带嚟嘅甜。除此之外，慕丝嘅质地都相当之轻盈，唔会太过厚实，作为饭后甜品都几满意。
张贴
