海南少爺 (已結業)

放假同妈咪去海港城行街去咗海南少爷食星马菜部分座位可以望到海景一路食野一路望住都几写意🔸海南鸡饭拼海鲜喇沙 $138 (+$8转鸡髀)呢个餐相当丰富，有齐海南鸡、油饭同喇沙！鸡肉嫩滑肥美，份量都几多，点埋酱料食更惹味，最爱黑酱油！鸡饭油香气十足， 米饭粒粒分明，喇沙汤头惹味，带点微辣，面底系渗渗面，油面沟米粉口感一流！🔸马来西亚肉骨茶 $178药材味浓厚，五选二嘅配料拣咗排骨同猪腩肉，另外仲配上几款索汁嘅配料：响铃、豆卜同鱼皮等，索哂肉骨茶汤汁食好惹味🔸沙嗲拼盘 $118猪同牛各有3串，都几大串！鸡肉几嫩，口感唔错，点埋酱汁食好好食，整体几浓味