Poseidon Restaurant & Bar (已結業)

早排同事话有间食海鲜嘅西餐厅想试，又喺尖沙咀，喺公司行过去都系大概15至20分钟左右，所以就约咗日放工一齐去食。咁我哋坐底之后一共嗌咗五碟菜式，之后每一款嚟个简介。首先嚟个前菜，我哋叫咗个「鲟鱼黑鱼子烟三文鱼他他」，个他他好开胃，少少酸嘅酱汁加埋上面嘅他他，个他他顶再放多几块金箔，令佢望落好似再high class啲。直接介绍咗今晚嘅主角先，「烤龙虾海鲜拼盘」，卖相系咪好吸引呢？海鲜种类多，而且每款都新鲜，绝对唔系雪藏货。除咗只龙虾得半只唔够分，其他分量都足够四个人分。有鱼下一样介绍系肉，我哋本来想叫个肉眼扒，但系最后改变主意，嗌咗碟「美国酱烧猪肋骨配薯条」。肋骨好腍好入味，不过我挂住食海鲜净系食咗好少肋骨。下一碟系「传统西西里鲜蟹肉扁意粉」，虽然卖相都系好正，但系相对上面几碟个意粉比较普通，唔系话唔好食，个意粉都好味，只系个海鲜拼盘同他他实在太好食，如果拼盘同他他系9.5分，个意粉会系8分。然后因为口痕所以要咗个「芝士旋风薯条」，热辣辣嘅薯条加埋啲芝士再点佢个黑松露蛋黄酱，好正。整体嚟讲，食物水准都好高，食完好满足，等政府取消晚市限制之后，我一定会带朋友嚟呢度happy hour。