源記餐廳

营业中

休息中

尖沙咀源记粉面星期日途经尖沙咀，好想食源记嘅牛腩粉，以前最钟意佢嘅竹肠河，可惜今时唔同往日，有得睇但唔敢再放肆去食咁肥腻嘅食物啦！烘底面包够晒热，面包搽咗一层薄薄咸牛油味道香浓好食。而火腿奄列煎得啱啱好，味道亦都正常、炸猪扒肉味淡薄，肉质腍身兼够水份都算可以接受。牛腩五香腌料味浓，牛腩肉味重冇臊味，河粉够嫩滑口感细腻，汤汁偏向淡味，有水准唔会过咸。热柠茶茶色靓可惜味淡无茶味。杯碟碗筷干净，餐厅座桌清洁，餐厅空调弱有油烟味，装修光猛简单带啲土豪金味道，枱凳相对比较狭窄，店员有礼貌殷勤。