影片
更多
2021-09-12
37 浏览
胡炉之前本来系一间高级嘅单点火锅店，最近喺尖沙咀呢间分店推出左半自助套餐，但系食物质素仍能保持一贯水准，唔会将价就货，所以梗系要嚟试吓啦！呢个半自助入面包左一个煲，一个海鲜拼盘，一个胡炉拼盘，一个手工丸饺拼盘，当然唔少得任点任食火锅配料。佢哋依家仲做紧优惠，两个人就送上大大只嘅面包蟹。即拆即食当小食，蟹膏蟹肉都好鲜甜，令人一食上瘾。胡炉鸡煲：我哋拣咗鸡煲，佢哋嘅鸡煲上台就可以食，鸡肉够哂嫩滑，又够入味，佢哋嘅鸡煲用左秘制嘅酱汁，食得出有好重嘅花椒藤椒嘅味道，够哂惹味。海鲜拼盘：有鲍鱼，海蚬，海虾，扇贝。样样都够哂新鲜，鲍鱼扇贝嘅肉够厚，鲜甜又弹牙，海虾虾肉够爽口，而蚬食落好干净，一粒沙都食唔到。胡炉拼盘：入面有澳洲和牛，牛舌芯，黑毛猪豚肉呢三款。牛舌芯较少用嚟作火锅，肉香爽口，黑毛猪豚肉肉味够哂浓，我自己就最钟意和牛，牛味浓郁，又够油香，有入口即化嘅口感。手工丸饺拼盘：入面包括有黑松露墨鱼丸，手打虾丸，芝心丸，泰皇鲜虾云吞，XO酱带子饺，鱼皮饺。而我觉得最欣赏嘅系黑松露墨鱼丸同埋XO酱带子饺。前者爽口弹牙，黑松露味够哂浓，食完都仲有余香喺口腔入面，而后者够哂惹味，带子用料够新鲜，唔会话
胡炉之前本来系一间高级嘅单点火锅店，最近喺尖沙咀呢间分店推出左半自助套餐，但系食物质素仍能保持一贯水准，唔会将价就货，所以梗系要嚟试吓啦！呢个半自助入面包左一个煲，一个海鲜拼盘，一个胡炉拼盘，一个手工丸饺拼盘，当然唔少得任点任食火锅配料。
佢哋依家仲做紧优惠，两个人就送上大大只嘅面包蟹。即拆即食当小食，蟹膏蟹肉都好鲜甜，令人一食上瘾。
胡炉鸡煲：我哋拣咗鸡煲，佢哋嘅鸡煲上台就可以食，鸡肉够哂嫩滑，又够入味，佢哋嘅鸡煲用左秘制嘅酱汁，食得出有好重嘅花椒藤椒嘅味道，够哂惹味。
海鲜拼盘：有鲍鱼，海蚬，海虾，扇贝。样样都够哂新鲜，鲍鱼扇贝嘅肉够厚，鲜甜又弹牙，海虾虾肉够爽口，而蚬食落好干净，一粒沙都食唔到。
胡炉拼盘：入面有澳洲和牛，牛舌芯，黑毛猪豚肉呢三款。牛舌芯较少用嚟作火锅，肉香爽口，黑毛猪豚肉肉味够哂浓，我自己就最钟意和牛，牛味浓郁，又够油香，有入口即化嘅口感。
手工丸饺拼盘：入面包括有黑松露墨鱼丸，手打虾丸，芝心丸，泰皇鲜虾云吞，XO酱带子饺，鱼皮饺。而我觉得最欣赏嘅系黑松露墨鱼丸同埋XO酱带子饺。前者爽口弹牙，黑松露味够哂浓，食完都仲有余香喺口腔入面，而后者够哂惹味，带子用料够新鲜，唔会话有阵阵嘅雪味。
佢哋任点任食嘅火锅配料同外面餐厅嘅都差唔多，大部份嘅菜类肉类面食等配料都有提供，而任点食物入面竟有广岛蚝，Size都几大只都几饱满。
张贴
