熺會館

营业中

休息中

尖沙咀呢间火锅店环境舒适又好有特色，大家食得舒服开心。😆🍲汤底：蕃茄菌皇清汤锅 + 川式麻辣锅照顾晒食到辣同食唔到辣嘅朋友。清汤锅嘅汤料配料都好丰富，可以见到满满都系蕃茄大葱同埋冬菇；麻辣𠮶边亦都充满晒满满啲辣椒，辣度十足。呢个鸳鸯锅嘅呈现其实都几靓，两边都系红红哋。🦪蛏子大只新鲜，味道咸鲜带甜，食唔停口。如果配合比较清嘅汤底会带出嘅鲜味多啲。🥢淮山面算系几特别嘅配料因为出面通常都系即食面。淮山面就比较特别，可以食到淮山嘅味道，饱肚得嚟又健康啲。🐷鹿儿岛日本黑豚肉肉方面亦都唔差分量都ok，新鲜得黎肥瘦相间又唔会太多肥肉。