京都鐡板居酒屋 (已結業)

早𠮶排去咗食一间高级嘅日本餐厅👍🏻 不论系环境 服务态度 定系食物质素都好有惊喜😛 一行入餐厅已经觉得好高级 同埋仲有唔同食物可以俾我哋选择🫡 今次坐咗喺寿司师傅隔离嘅Bar枱 可以望到佢哋平时处理食材嘅工序 完全卫生可靠🤓亦都见到食材嘅新鲜 系一个好好嘅体验😎今次我哋叫咗唔同嘅刺身😋当中有师傅推介我哋食秋刀鱼嘅刺身☺️ 配埋酸汁一齐食 带出咗秋刀鱼独有嘅香味 另外仲叫咗吞拿鱼 带子 鲷鱼 同埋赤虾嘅刺身 完全能够食得出佢地嘅鲜味😉另外仲叫咗唔同嘅军舰同埋寿司 包括三文鱼子 海胆 拖罗等等😙 海胆极度鲜甜 完全冇腥味 而三文鱼子亦都好出色🤩我哋仲叫咗唔同嘅串烧同埋牛小排😍 即叫即烧 火候啱啱好 唔需要太多嘅调味 更加食得出食材嘅质素😉 烧鸡中翼 肉质嫩滑 仲烧到个皮脆脆地 真系好正🥹 加埋个烧牛脷 厚厚地但完全唔韧 仲好香牛味 而牛小扒生熟程度适中 估唔到可以喺依间日本餐厅都食到咁高质嘅串烧 🥰