New Daily (已結業)

呢间舖头主要做生酮饮食外卖，亦有少量普通食品。店外只得一张枱比客人自助用餐。以价钱来讲，$70-80一份嘅生酮餐价钱都好合理，特别系对一啲冇时间自己喺屋企下厨嘅人。望入店内，见到有啲摆出嚟嘅酱汁都系keto friendly嘅，就更加食得安心。特别推介系黑松露鸡蛋炒杏鲍菇饭，食落去真系好似食紧炒饭咁，而且黑松露好香好足料。牛小排椰菜花饭卷都唔错，饭卷入面加咗生酮沙律酱、同什椒生菜，中和左牛小排嘅油腻。