敏華冰廳 (新太陽廣場)

营业中

休息中

做Promoter已经企到好辛苦，放break当然想揾个舒适嘅地方坐一坐啦。喺疫情下，仲要揾啲冇乜人嘅茶餐厅，新太阳广场地下嘅敏华冰室就系好选择。下午茶就order左平时茶餐厅好少出现嘅马来西亚三叔公咖吔多士，再加上港式热奶茶。多士新鲜烤焗，面包非常脆而软，牛油夹喺面包同咖吔酱上面。味道比奶酱多或者奶油多更丰富，更有层次。敏华冰厅的港式热奶茶，拍得住翠华嘅热奶茶。香浓嘅斯里兰卡红茶再配上炼奶花奶，简直冇得弹。 入口香浓茶味，非常滑口。 完全刺激我嘅味蕾。叹完一个咁正嘅下午茶，又系时候返工了。