小正大福 (已搬遷) 新店位置

系fb见到有推介，咁又出开尖沙咀，就突登走去K11 Art买。焦咖不住 $40（咖啡忌廉、咖啡朱古力、Lotus焦糖芝士、Lotus焦糖饼底）三个入面呢个最好食，有好浓好香的咖啡朱古力味，忌廉入口即溶，成个口都系好香甜的咖啡味🤩仲有芝士，芝士味同咖啡好夹。最最重要系有Lotus焦糖饼，真系画龙点睛，最好食呢块饼，系软软的大福入面有块脆脆地的饼，成个口感升华哂，块饼的焦糖味令咖啡同芝士更加好食。呢款我可以再买，亦系最推荐的一款😍香蕉朱古力牛乳奶冻大福 $35（法国70%黑朱古力忌廉、法国85%黑朱古力碎粒、香蕉、北海道3.6牛乳奶冻、黑朱古力）咬落食到好浓郁的朱古力味，食到朱古力的确落足料，但唔系好食到朱古力碎。香蕉同牛乳奶冻都同朱古力忌廉好夹，香蕉清甜但唔会被朱古力味盖过，奶冻的牛奶味同朱古力味好配合，成个一口食落味道好有层次。宇治抹茶牛乳大福 $32（日本宇治抹茶忌廉、北海道3.6牛乳布丁、日本宇治抹茶白朱古力）抹茶味超浓，甚至浓到有少少苦，全靠牛乳布丁挡一挡个苦味，唔系好食到朱古力味，可能捞左落布丁🤔如若好钟意极浓抹茶的朋友可以一试，但对我嚟讲就浓得济。小正大福 (尖沙咀)尖沙咀河