茴香 (已結業)

山林道都几多西餐厅，假期约朋友撑枱脚。今次食嘅呢间餐厅由泰菜转型做西菜。餐厅充满盆栽装饰，绿色植物让人感到心旷神怡。餐厅楼底开阳，不过望楼景为主。<二人套餐> $488套餐包括咗免费精美沙律吧，有数款唔同嘅沙律可以选择，比如有吞拿鱼粟米沙律、牛油果鸡胸沙律。其中想推介香橙忌廉乳酪酱汁，味道清爽，适合啲关注热量嘅人士。是日餐汤是日餐汤喺蕃茄汤，汤质感浓稠，味道甜甜哋。法式烟熏黑鳕鱼红菜头意大利饭红菜头意大利饭颜色亮眼，红菜头汁均匀包裹著饭粒。虽然唔似传统嘅意大利饭咁硬身，不过几有咬口，烟熏黑鳕鱼同意大利饭几夹，烟熏味突出，不过鳕鱼嘅份量再多啲就更好。香烤芝士蒜蓉三文鱼配香醋腌制茴香及香橙姜忌廉汁+$50朋友叫咗三文鱼，肉质结实，我地都觉得可以再生少少比较嫩。香橙姜忌廉汁味道清淡，正好唔会盖过三文鱼嘅味道。苹果梳打苹果梳打味道偏酸，如果想点其他嘢饮要再加钱。招牌椰王焦糖炖蛋餐厅做紧4月限定推广，依家经ig订座、电话订座就会送招牌椰王焦糖炖蛋，我地都喺冲着呢个优惠嚟㗎，睇返餐单原价好似要$100左右。焦糖炖蛋香甜美味，椰子味浓，加埋清甜既椰肉更添层次。