GoodDay BadDay MamaDay

营业中

休息中

近日工作有啲阻滞，朋友就提议嚟尖东GoodDay BadDay食啲好食得嚟个名又搞笑嘅嘢奖励下自己！餐厅无论menu定系室内环境都咁过瘾。我哋先试咗麻卵饭，落单嘅时候要好小心咬字！应该系黑妈妈嘅鱼子咁解？佢其实系一碟好似fusion咗嘅risotto，上面有一排黑黑实实嘅鱼子，再加上tabasco嘅少少辣味，非常开胃。配冬菇同带子，咬落去啲鱼子爆开嘅口感好新鲜，真系唔错之后嘅咸蛋牛油果蟹肉比萨就俾我嘅同事加邪恶，上面铺满芝士。每一块都有一只蟹钳一粒牛油果同红椒，可以公平分配，上面仲铺咗沙律菜，即刻觉得冇咁内疚想食下炸嘢，叫咗求其是但乜都炸啲啦，有炸鸡翼、炸虾、炸薯条、炸鱼柳，上面洒咗芝士粉，非常满足。我哋试咗自家制山楂果肉玫瑰花茶同甜甜酸酸的洛神柚子茶两款茶。山楂果肉玫瑰花茶用咗真玫瑰花冲，好香玫瑰花味，甜中带少少山楂酸味，消滞又养颜。洛神柚子茶就淡淡嘅洛神花同柚子味，好清新。嚟到甜品环节，我哋试咗热情果芝士蛋糕，有士多啤梨同灯笼果伴碟，热情果味道有助减轻啱啱嘅油腻感。