彤粵菜小館 (已結業)

同男朋友夜晚两个人撑枱脚，突然大家好想食下啲中式嘢，上网见到附近尖沙咀有间新开嘅粤菜小馆，谂都冇谂就即刻嚟左。两个人就叫咗三样𩠌，生炒菜芯、凤梨咕噜肉同番薯安格斯牛柳粒。凤梨咕噜肉系我每次粤菜必食嘅菜式，凤梨好新鲜超甜，而咕噜肉炸到好香脆，再加上酸酸甜甜嘅味道特别开胃😍番薯安格斯牛柳粒系男朋友拣嘅，估唔到呢个安格斯牛柳粒牛味劲香，口感烟韧！再加上番薯嘅甜味令到牛肉味道带点香甜，超好食。生炒菜芯都好清甜冇苦味，而且仲好新鲜，一啲都唔油腻！食饭一定要叫个小菜先够营养均衡🤤