Le Viet

营业中

休息中

尖沙咀 the one 可说是美食集中地, 中西美食应有尽有。Le Viet 这间新派越南菜餐厅环境阔落, 食物选择都几多。越式牛柳沙律嫩滑牛柳片盖著爽脆嘅青木瓜丝, 沙律酸酸甜甜好开胃。火车头材料都几丰富, 牛柏叶新鲜爽脆, 牛丸爽口弹牙, 萝卜够腍甜, 汤底真系好鲜味, 加上惹味嘅洋葱和芫茜等香料, 河粉幼滑, 份量都好足够。手撕鸡捞檬手撕鸡肉嫩滑, 檬粉爽弹, 甜甜酸酸几开胃。串烧鸡中翼烧得好香脆, 鸡翼肉质嫩滑, 调味啱啱好。鲜虾米纸卷米纸卷薄身幼滑, 虾仁爽脆弹牙, 口感清新。蒜蓉炒椰菜苗新鲜翠绿, 清淡爽脆又有蒜蓉清香。