杏甜品 (香檳大廈) (已結業)

哗，好多人排队，等咗起码15分钟。装修以木系为主，有种台湾咖啡小店装环感觉。虽然舖位系凹之形，但啲位都间得唔错，唯一唔好系要自己行出位俾钱，而且要自己睇number出去攞糖水。*杏仁茶墩蛋白 $55杏仁茶配炖蛋白，养颜之选。杏仁味香浓，质感顺滑，微甜冇苦味，反而炖蛋白失色，质地过硬，有啲嚡口，甜度略为不足。芝麻糊 $30表面结咗一层皮，质地浓郁，饮落比闻起更香芝麻味，甜度适中，份量亦非常足够。椰汁芒果西米露 $45芒西唔系黄色系有少少失望。芒果粒甜，椰汁香浓，质地唔会好稀，西米煮到啱啱熟透，口感烟韧唔会腍啤啤，但有啲黐埋咗一齐，一pat嘢咁。