更多
2024-12-01
167 浏览
The One呢间越南餐厅行街经过好多次,见到佢而家出咗越南小黄牛肉粉系列,天气凉凉地好想食碗热汤粉就入咗去食晚饭。越式拼盘 $118首先嗌个小食先,呢个拼盘啱晒我哋,有齐虾饼、越南春卷、蒸粉包同埋烧香茅猪颈肉,款款都唔错,我就最钟意馅料惹味嘅蒸粉包同埋炭烧得好香嘅弹囗多肉汁猪颈肉。越式雪花牛汤河 $92汤粉热辣辣香喷喷,雪花牛肉松软,配上清甜嘅汤底,河粉朔晒汤汁好好味,食嘅时候加上青柠汁味道更加突出滋味。椰青海鲜焗饭 $118卖相好吸引,满到泻。椰汁清香带少少甜,成个焗饭好似入咗口,感觉一啲都唔会腻。配料方面有虾、蚬肉、八爪鱼、青豆同埋一啲提子干,配埋椰汁饭味道好夹,感觉轻盈清爽。
张贴