麻吉灶咖

营业中

休息中

约左朋友放工去尖沙咀行街同食晚饭，我话想食台湾菜，于是朋友就提议试下系k11既麻吉灶咖。我之前都未食过，过装潢都好靓，地点又方便。可能六点几都仲系早既关系完全唔使等位。我地两个人叫左4样野加一个甜品同一杯野饮，都系食左总共454元。🔸蚵仔面线味道正常，唔会好咸，份量多。🔸香菇肉酱秋葵依个几好食，同个肉酱几夹。🔸大甲芋泥芝士肉松蛋饼唔会出错既配搭，正常发挥。🔸夜市地瓜条地瓜条会配埋梅粉，甜得黎又有d酸，中和番个油腻感。🔸草莓沙冰芝士奶盖依杯野饮必叫，个奶盖好好味，草莓味一d都唔假，绝唔系香精味。🔸开心果雪糕麻薯开心果味道唔太浓，麻薯好软冧，连埋其他配料一齐食口感丰富。