影片
更多
2024-11-11
0 浏览
咁啱喺附近经过，见到好评如潮，所以就入嚟试吓睇吓质素如何。餐厅嘅装横有种复古英伦风，我都几钟意，而啲嘢食嘅摆盘都几靓，两个人嚟讲除返开每人三、四百，都算系咁。‣ Dinner Set for Two $658· 是日餐汤今日嘅系杂菜汤，相当之香嘅蕃茄味。几钟意汤嘅浓稠度，夹埋面包一齐食啱啱好。· 鹅肝薯仔千层‼️超级推荐‼️鹅肝口感相当细腻香口，薯仔外脆内软，搭配一齐食真系冇得弹，啱啱好可以平衡到鹅肝嘅油润。而且鹅肝都相当厚同埋大块，俾得好爽手，面头嘅sour cream都令到整体感觉冇咁油腻。· 烧牛肉他他配牛油果半个牛油果放喺面都几过瘾，而且令到个口感多咗一份绵滑，平时唔特别钟意食牛油果嘅，都觉得咁样嘅配搭几正。酱汁就以莎莎酱为基调整成嘅乳酪酱，轻轻烧过嘅牛肉有微微嘅焦香，搭配多士一齐食啱啱好。· 特浓卡邦尼扁意粉酱汁浓稠滑顺，果然系特浓。每一啖都食到蛋嘅香味，而且食落口嘅时候感觉蛋黄有啲沙沙嘅口感，有啲似咸蛋黄，但系又唔会好似咸蛋咁咸。意粉口感烟韧得嚟又有咬口，煮得几唔错。面头嘅芝士令到成碟意粉更加香，值得一试。· 烧牛柳配大虾见到个个都食叉烧，就谂住食个牛柳睇吓感觉点。牛柳煎得都几
‣ Dinner Set for Two $658
· 是日餐汤
今日嘅系杂菜汤，相当之香嘅蕃茄味。几钟意汤嘅浓稠度，夹埋面包一齐食啱啱好。
· 鹅肝薯仔千层
‼️超级推荐‼️鹅肝口感相当细腻香口，薯仔外脆内软，搭配一齐食真系冇得弹，啱啱好可以平衡到鹅肝嘅油润。而且鹅肝都相当厚同埋大块，俾得好爽手，面头嘅sour cream都令到整体感觉冇咁油腻。
· 烧牛肉他他配牛油果
半个牛油果放喺面都几过瘾，而且令到个口感多咗一份绵滑，平时唔特别钟意食牛油果嘅，都觉得咁样嘅配搭几正。酱汁就以莎莎酱为基调整成嘅乳酪酱，轻轻烧过嘅牛肉有微微嘅焦香，搭配多士一齐食啱啱好。
· 特浓卡邦尼扁意粉
酱汁浓稠滑顺，果然系特浓。每一啖都食到蛋嘅香味，而且食落口嘅时候感觉蛋黄有啲沙沙嘅口感，有啲似咸蛋黄，但系又唔会好似咸蛋咁咸。意粉口感烟韧得嚟又有咬口，煮得几唔错。面头嘅芝士令到成碟意粉更加香，值得一试。
· 烧牛柳配大虾
见到个个都食叉烧，就谂住食个牛柳睇吓感觉点。牛柳煎得都几香，虎虾肉亦都相当弹牙爽口，而我自己都几钟意佢嘅薯蓉，相当之重奶香味，果然大家都掌握到薯蓉绵密口感嘅秘诀。
· Peach Oolong
白桃乌龙系清新之选，饮落轻盈爽口。不过见到热嘅花茶用具系几靓，下次可以试吓饮热嘅。
· Berry Run Berry ＋$38
用提子干乌龙做基调都几特别，不过饮落就真系好重莓同埋乳酪嘅味道，自己都几钟意呢一款酸酸甜甜嘅mocktail。
张贴
