雅廊咖啡室 (裝修中)

有旧同事生日饭聚 去咗尖沙咀富豪酒店雅廊咖啡室食自助餐，因为有信用卡6折优惠。六点半钟开始至九点半。里面D嘢食都好多，热食好丰富，而且冷盘有龙虾，冻虾，长脚蟹，螺，青口，面包蟹，等等都有。 刺身有三文鱼，吞拿鱼，八爪鱼，北寄贝，同埋甜虾。 食到半路，佢哋会推出 火枪烧芝士龙虾，不过要快啲，因为每次推20只左右出嚟，好似两转或三转，排队派晒就冇。而且到后期有一轮会响钟，原来系火焰蛋，但只得一轮。甜品有好多不同款嘅蛋糕，雪糕亦有唔同选择畀大家拣。 总之琳瑯满目，最后要提一提西班牙海鲜饭，真系好正。大家有机会去一定要试。