影片
更多
2023-09-19
29 浏览
放咗工同个friend 出尖沙咀食好西😆我哋两个拣咗大半日，终于决定食日本野，咁就拣左食呢间居酒屋。呢间居酒屋的楼梯装修得超有气氛，由墙壁到摆件都好和风，净系楼梯都已经要丧打卡🤣海鲜渍物拼盘 $168(矶煮鲍鱼，东风螺，芥辣八爪鱼，𩽾𩾌鱼肝）鲍鱼非常软淋，完全唔韧，一咬就开，除咗食到鲍鱼的鲜味，仲食到浓郁的酱油味。东风螺有少少辣，非常惹味。芥辣八爪鱼的口感柔软弹牙，芥辣味唔重，食落唔攻鼻，仲带起咗八爪鱼的鲜甜。𩽾𩾌鱼肝配搭咗柚子醋啫喱，味道酸酸甜甜，口感细滑creamy ，几乎入口即溶🤤88MM直径A5和牛球石头锅饭 $268呢个石锅饭上枱时会有专人当面炒开，炒的时候就已经闻到劲香的牛肉味，仲要加埋酱汁一齐炒，劲吸引，望见都想食。石锅饭食落有香浓的和牛酱汁味，炒饭粒粒分明，但又唔会好干身，当中仲有大量的和牛粒，几乎每一匙都有肉。贴住石锅边的饭粒脆脆地，但又未去到饭焦的地步，我好钟意呢种脆脆地的口感😍时令生蚝（买一送一） $128因为个friend 想食，咁买一送一就试吓啦。一上枱忍唔住哗咗一声，无谂过只蚝会咁大只，又俾张相呃咗，张相完全睇唔出实物会咁大只🤣生蚝肥美饱满，非常滑溜，食到有
呢间居酒屋的楼梯装修得超有气氛，由墙壁到摆件都好和风，净系楼梯都已经要丧打卡🤣
海鲜渍物拼盘 $168
(矶煮鲍鱼，东风螺，芥辣八爪鱼，𩽾𩾌鱼肝）
鲍鱼非常软淋，完全唔韧，一咬就开，除咗食到鲍鱼的鲜味，仲食到浓郁的酱油味。
东风螺有少少辣，非常惹味。
芥辣八爪鱼的口感柔软弹牙，芥辣味唔重，食落唔攻鼻，仲带起咗八爪鱼的鲜甜。
𩽾𩾌鱼肝配搭咗柚子醋啫喱，味道酸酸甜甜，口感细滑creamy ，几乎入口即溶🤤
88MM直径A5和牛球石头锅饭 $268
呢个石锅饭上枱时会有专人当面炒开，炒的时候就已经闻到劲香的牛肉味，仲要加埋酱汁一齐炒，劲吸引，望见都想食。
石锅饭食落有香浓的和牛酱汁味，炒饭粒粒分明，但又唔会好干身，当中仲有大量的和牛粒，几乎每一匙都有肉。贴住石锅边的饭粒脆脆地，但又未去到饭焦的地步，我好钟意呢种脆脆地的口感😍
时令生蚝（买一送一） $128
因为个friend 想食，咁买一送一就试吓啦。一上枱忍唔住哗咗一声，无谂过只蚝会咁大只，又俾张相呃咗，张相完全睇唔出实物会咁大只🤣
生蚝肥美饱满，非常滑溜，食到有海水味，亦食到蚝本身的鲜甜，真系超满足🥰
火焰鹅肝A5和牛青苹果卷 $279
呢个一见到就觉得好吸引，内容太丰富啦！一食果然超好食，和牛同鹅肝呢两样食材摆埋一齐配搭非常好，又唔会盖过对方的味道，食落味道浓郁，各自精彩。卷物当中的青苹果同青瓜能够中和牛肉同鹅肝的油腻，成个卷的配搭真系非常出色，我好欣赏。
嚟得居酒屋咁就紧系要饮返杯野happy下，不过我同个friend 都唔饮酒，所以就拣咗两杯特饮。
红火龙佛手柑熊茶 $68
呢杯特饮睇落好精致，颜色非常鲜艳漂亮，仲有旧熊仔冰，饮落有好香浓的柑橘味，亦食到柑橘的果肉，味道都几甜。
绿茶鲜奶熊脆脆 $68
绿茶味同鲜奶味都非常浓郁，饮落唔算太甜，表面的朱古力脆脆好好食😋
黑木亭居酒屋 (金马伦道) (尖沙咀)
尖沙咀金马伦道58-60号国钯大厦地下至1楼
*上述文章只供参考及以当时价格为准
张贴
