第一道係韓國釜山鰻魚，職員蒸得啱啱好，鰻魚好彈牙，肉質鮮甜，食得出係高質貨。之後嘅澳洲青年龍蝦，每人半隻，龍蝦肉嫩滑又有彈性，真係好好味。跟住就到南非乾包，大隻又肉厚，啖啖肉真係好滿足。仲有大西洋野生青口，一咬落去，滿口海水味，鮮味十足！
加拿大野生海虎蝦都係巨型，肉質爽滑，蒸完仲保留住佢嘅鮮味。韓國釜山珍珠蠔精亦係驚喜，蠔好大隻，蒸完依然鮮嫩多汁，仲有少少奶香味。至於蟹黃大元貝同蟶子王，大元貝上面加咗蟹黃，一口落去Creamy到不得了，而蟶子亦係爽口彈牙，質感一流！
最後係太平洋饅頭蟹，肉質厚實又鮮甜，啖啖肉真係滿足感爆棚！蒸完海鮮仲可以蒸啲蔬菜，生菜同白菜吸晒啲海鮮嘅精華，變得特別鮮甜。
食到尾聲，海鮮嘅精華全部滴晒落去用嚟煮海鮮粥，一碗接一碗，鹹香濃郁，真係完美收尾！整體嚟講，呢間餐廳無論係食材質素定係服務都好高水準，蒸氣海鮮嘅蒸法又健康，絕對值得一試！
1
1
20
