影片
更多
2016-07-03
746 浏览
一向好钟意去楼上嘅餐厅，贪佢哋地方比较舒服，人流比较少，通常价钱仲比较亲民添！今日嚟到呢一间餐厅，位于尖沙咀加连威老道中间嘅位置。去到楼下，已经见到有易拉架招徕路过行人。我同朋友就系慕名以来嘅，一上到5楼打开lift门，就见到左手边系lay back。入到去地方唔系好大，大概30个位左右，但都几有格调，布置方面都睇得出店主花咗心思。最特别嘅地方系佢哋喺露台位置，做咗一个花园。我谂天气凉少少嘅日子嚟到，应该都几舒适架。餐牌上面嘅选择唔系太多，都系一啲简单野。始终呢度都系Cafe，反而饮品嘅选择就非常之多啦！我哋两个人叫咗三样食物：all day breakfast，黑松露忌廉杂菌扁意粉，芝士烟肉焗有机大牛扒菇。《黑松露忌廉杂菌扁意粉》个酱汁好杰，好creamy，有好香嘅黑松露味，亦都有牛油味。入口嘅口感好丰富，佢哋将几种唔同嘅菌类切成细细条，捞左落个酱汁度，增加入口嘅层次感。至于意粉，火候控制得非常之好，每一条意粉都完全熟透，但又未至于过熟。《All day breakfast》呢个好丰富，有Parma ham、猪肉肠、煎蛋、蘑菇炒粟米、茄汁豆、多士、沙律、蕃茄等等。每一样野都整得好好食
入到去地方唔系好大，大概30个位左右，但都几有格调，布置方面都睇得出店主花咗心思。最特别嘅地方系佢哋喺露台位置，做咗一个花园。我谂天气凉少少嘅日子嚟到，应该都几舒适架。
餐牌上面嘅选择唔系太多，都系一啲简单野。始终呢度都系Cafe，反而饮品嘅选择就非常之多啦！我哋两个人叫咗三样食物：all day breakfast，黑松露忌廉杂菌扁意粉，芝士烟肉焗有机大牛扒菇。
黑菘露忌廉磨菇扁意粉
22 浏览
0 赞好
0 留言
个酱汁好杰，好creamy，有好香嘅黑松露味，亦都有牛油味。入口嘅口感好丰富，佢哋将几种唔同嘅菌类切成细细条，捞左落个酱汁度，增加入口嘅层次感。至于意粉，火候控制得非常之好，每一条意粉都完全熟透，但又未至于过熟。
All day breakfast
18 浏览
0 赞好
0 留言
呢个好丰富，有Parma ham、猪肉肠、煎蛋、蘑菇炒粟米、茄汁豆、多士、沙律、蕃茄等等。每一样野都整得好好食，睇得出大厨有心有力。番茄豆佢哋特登暖过先上碟，好窝心。而猪肉肠绝对系亮点，细细条睇落唔多特别，但一食落口，我同朋友都赞不绝口。猪肉肠入边有细细的肉粒，好有口感，表面煎得好香脆，有少少辣味，好惹味。好食到两条绝对唔够我哋分啦！
芝士烟肉焗有机大牛扒菇
22 浏览
0 赞好
0 留言
牛扒菇好香好新鲜，好好味。每一刀切落去，都有汁必出嚟，好过瘾。一份好足料，两件大牛扒菇，上面都铺满咗烟肉同芝士，好邪恶啊！厚厚嘅芝士连埋牛扒菇，一大啖放落口，好复杂嘅感觉，但又好满足。呢个一定要趁热食，冻左就食唔到果种丰富嘅口感架啦！
蜜桃果茶
27 浏览
0 赞好
0 留言
呢度嘅果茶同花茶都系连壶上的，有蜡烛座热，确保你饮几耐都系热茶。呢啲小处，我哋都可以睇得出店主对于饮品嘅坚持同要求。果茶系红茶底，有少少蜜桃嘅甜味，好清香。
朋友叫咗杯咖啡，但咖啡嘅嘢我真系唔识欣赏，冇试饮，我都唔评价啦。
两个人埋单＄300松啲，喺尖沙咀旺区黎讲，有返咁上下质素嘅食物，佢哋价钱都算好相宜既。
张贴
