世華餐廳

营业中

休息中

喺尖沙咀食嘢都算几贵，不过呢间餐厅喺楼上，属于茶餐厅类型，基本上中西式东南亚菜式都有，虽然整体味道唔算话非常突出，但系今次叫嘅有啲菜式都几好食，而且价钱唔算贵(尖沙咀嚟计)，可以推介一下！首先推介系佢嘅西湖牛肉羹，非常足料！豆腐同埋牛肉份量都好多，食嘅时候加少少胡椒粉更加可以带出牛肉嘅香味，而且成个羹系非常滑口，唯一有少少不足嘅系佢嘅牛肉系用切片方式而唔系用免治牛肉，口感上同以前食开嘅有啲唔同...另一个推介嘅就系印度薄饼同埋咖哩牛腩，一来咖哩味非常浓同香，牛肉炆得好林好入味，佢嘅薄饼又香又烟韧，配咖哩汁系好夹，估唔到一间茶餐厅做印度嘢都做得咁好食！今次食完绝对有下次！