影片
更多
2021-06-22
56 浏览
放假随左想揾好食既餐厅之外，有时会想揾一啲酒吧餐厅，小斟一杯，今次黎到尖沙咀广东道附近揾食，揾到一间环境唔错可以Chill Chill既餐厅。呢间Whatever Bar & Restaurant系一间酒吧餐厅，主打西式主食，餐厅系海港城对面，位于广东道流尚坊，位置几方便，平时行过都唔觉呢幢商业大厦有餐厅，自从酒吧有限度开放，都好小饮酒，今次终于有机会可以小斟一杯。餐厅面积不大，以黑色为主调，装修精心布置有格调，新潮型格得黎又chill，吧枱位置嘅霓虹灯非常抢眼，写住「人间烟火」，会谂起陈奕迅既歌词「离时代远远，没人间烟火，毫无代价唱最幸福的歌，愿我可」，都会谂起俗语有曰：「不食人间烟火」，美食当前，点可以唔食人间烟火。除左霓虹灯招牌外，仲见到唔小老板唔小既艺术收藏品，好似壁画同bearbrick、kaws，绝都系比大家影相打卡。餐厅有分室内、室外位置，室外露天位比室内开扬，可以吸烟或者shisha，感受一下城市既繁忙，不过如果落雨就唔会开放，整体环境舒服，适合同朋友食下野倾吓计饮下酒。睇过Menu，餐厅好似岩岩出新Menu，价钱算中价，野食种类几多，有提供前菜、pizza、小食、意粉
放假随左想揾好食既餐厅之外，有时会想揾一啲酒吧餐厅，小斟一杯，今次黎到尖沙咀广东道附近揾食，揾到一间环境唔错可以Chill Chill既餐厅。
呢间Whatever Bar & Restaurant系一间酒吧餐厅，主打西式主食，餐厅系海港城对面，位于广东道流尚坊，位置几方便，平时行过都唔觉呢幢商业大厦有餐厅，自从酒吧有限度开放，都好小饮酒，今次终于有机会可以小斟一杯。
餐厅面积不大，以黑色为主调，装修精心布置有格调，新潮型格得黎又chill，吧枱位置嘅霓虹灯非常抢眼，写住「人间烟火」，会谂起陈奕迅既歌词「离时代远远，没人间烟火，毫无代价唱最幸福的歌，愿我可」，都会谂起俗语有曰：「不食人间烟火」，美食当前，点可以唔食人间烟火。除左霓虹灯招牌外，仲见到唔小老板唔小既艺术收藏品，好似壁画同bearbrick、kaws，绝都系比大家影相打卡。
餐厅有分室内、室外位置，室外露天位比室内开扬，可以吸烟或者shisha，感受一下城市既繁忙，不过如果落雨就唔会开放，整体环境舒服，适合同朋友食下野倾吓计饮下酒。
睇过Menu，餐厅好似岩岩出新Menu，价钱算中价，野食种类几多，有提供前菜、pizza、小食、意粉、意大利饭、主食、汉堡、甜品，饮品有汽水、果汁、咖啡茶、Mocktail、啤酒、Cocktail、红白酒、威士忌。
店员热心推荐野食比我，最后叫左一个小食、一个意大利饭、一个甜品同一杯Cocktail。
-
1️⃣ 香煎蟹饼 💰128（👅: 8/10）
香煎蟹饼
$128
2 浏览
1 赞好
0 留言
一上枱冒会闻到小小蟹味，食落小小惊喜，蟹肉几饱满扎实，鲜味十足，见到饼上面会有少小蟹膏，食落蟹味更浓郁，蟹味系口腔停留，略嫌蟹肉可以再juicy同creamy啲，同埋如果奶油香同咸香味更重会更好，食完会不自觉同Ruth's Chris既蟹饼比较。下面块多士咬落香脆，同蟹肉一齐食，口感丰富，配搭得宜。同塔塔酱、沙律菜一齐食，有解腻作用。
-
2️⃣⃣ 挪威烟三文鱼牛油果意大利饭 💰148（👅: 8/10）
挪威烟三文鱼牛油果意大利饭
$148
6 浏览
1 赞好
0 留言
上碟非常精致，可以见到有半个已经切片嘅牛油果同埋好多块那威三文鱼喺意大利饭上面，非常足料，依个意大利饭睇落好大，其实份量唔会话好多，因为意大利饭厚度唔算厚。
意大利饭唔会煮到熟晒，有啲半山熟，控制得啱啱好，咬落有嚼劲，每一粒饭都系粒粒分明，而且索晒啲白汁，配上烟三文鱼和牛油果，配搭得宜。
牛油果熟度啱啱好，食落够creamy，即使我唔系特别钟意牛油果都食晒，成个饭食落唔会太腻，轻盈得黎好吃，饭上面会有啲烟肉粒，食起嚟有咸香，而且口感更添丰富，不过如果再脆啲会更好。
-
3️⃣ 水信玄饼配杂莓酱 💰88（👅: 8/10）
水信玄饼配杂莓酱
$88
2 浏览
1 赞好
0 留言
水信玄饼，有人会叫雨滴蛋糕，系来自日本山梨县北杜市，用当地赤石山脉既水所制成，系一种得夏季先有既甜品，通常只可以保持30分钟既固体形状，所以要堂食无得外卖，香港唔系好多地方有得食，但我又系一间大角咀嘅甜品舖食过，水信玄饼大小正常，同我之前食过嘅差唔多，外表系一大旧无色既果冻，晶莹剔透，打卡一流，入边会见到包住蓝莓同士多啤梨粒。
水信玄饼食落好似啫喱咁Q弹，食落冰凉软滑，有天然既甜味，日本传统食法系会洒黄豆粉同淋黑糖糖浆，而餐厅今次提供士多啤梨酱同日本清酒倒入去一齐食，如果净系倒士多啤梨酱，食落有啲甜，酸酸甜甜几清新，以为会同日本酒唔夹，点知原来sake系会中和左士多啤梨酱既甜，清酒味唔算好劲，食落唔会话呛口，建议落咗士多啤梨酱，食完再落少少清酒一试。
-
🍹 Shiva 💰118（👅: 8/10）
Shiva
$118
1 浏览
1 赞好
0 留言
嘅一杯Cocktail系餐厅嘅招牌，由白rum酒、热情果、苹果汁、姜味麦芽酒同青柠汁等调制而成。因为加左Blue Curacao Liqueur ，成杯蓝蓝绿绿好有夏日感觉，打卡一流。饮落冰凉清新，果味浓郁，青柠味较突出，微甜得黎有酸味，好易入口，不过酒精比较浓啲，后劲较强，所以饮左一半个人已经热热地，不过解腻一流。
-
🌟整体来讲，食物质素正常，不过唔算话好大惊喜，不过嘢食种类够多，Cocktail同Mocktail款式非常多，睇得又饮得，而且胜在环境够chill，有室外位置，可以边食嘢边饮嘢，望住繁忙既广东道。餐厅唔算好大，人流唔算多，夜晚望住霓虹灯或者闹市应该更有气氛。店员服务亲切友善，会主动讲解嘢食甚至系食法，或者推介嘢食，系一次唔错嘅用餐体验。
-
👅味道: 8/10
🍴环境: 8/10
💰消费: $442 (服务费: NA)
张贴
