影片
更多
2023-12-29
733 浏览
🥢尖沙咀有间经过咗好多年，但一直未去帮衬过的一间韩国料理，门口几有趣整到好似城墙咁，听闻佢地系由一位韩国妈妈主理，系韩国妈妈味道的韩国菜，口味够晒贴近韩国，近排冻冻哋就想食辣辣嘅嘢，一于去试吓🥢店内客人都系熟客仔，入店都会同韩国妈妈倾计，仲话自己20年前已经帮衬，韩国妈妈已经变咗白发婆婆，佢识少少中文有一口流利英文，所以沟通无问题，佢当所有客人都系佢嘅屋企人咁样照顾，唔怪之得咁多熟客都会返嚟揾佢食，真系有一份香港久违咗好耐嘅人情味同亲切感，坐低后佢细心咁问我哋冻唔冻，可以闩细冷气，仲好热情咁推介有咩好食，最抵食嘅就系套餐 $800 两人份量就已经有烧肉，汤，主食饭面类，今次因为想食好挂住韩国海鲜锅，所以点了锅物同少少嘢食🥢海鲜辣锅 $550海鲜锅入边材料好多吸引人嘅就系韩国八爪鱼脚，上劲大只又新鲜嘅八爪鱼，婆婆话只要一滚咗煮，佢一阵间就可以即刻食仲好细心咁帮我哋剪细件，果然系超级爽脆，而且好有鲜甜味同韩国食到嘅一样，另外入边仲有蚬，青口，新鲜帆立贝，蔬菜等等，虽然冇图片上嘅蟹但估唔到个汤系非常之清甜，饮完唔会觉得好口渴甜味完全来自食材海鲜嘅味道，味道感觉唔会好似出边𠮶啲汤底咁抢口，但系
🥢尖沙咀有间经过咗好多年，但一直未去帮衬过的一间韩国料理，门口几有趣整到好似城墙咁，听闻佢地系由一位韩国妈妈主理，系韩国妈妈味道的韩国菜，口味够晒贴近韩国，近排冻冻哋就想食辣辣嘅嘢，一于去试吓
🥢店内客人都系熟客仔，入店都会同韩国妈妈倾计，仲话自己20年前已经帮衬，韩国妈妈已经变咗白发婆婆，佢识少少中文有一口流利英文，所以沟通无问题，佢当所有客人都系佢嘅屋企人咁样照顾，唔怪之得咁多熟客都会返嚟揾佢食，真系有一份香港久违咗好耐嘅人情味同亲切感，坐低后佢细心咁问我哋冻唔冻，可以闩细冷气，仲好热情咁推介有咩好食，最抵食嘅就系套餐 $800 两人份量就已经有烧肉，汤，主食饭面类，今次因为想食好挂住韩国海鲜锅，所以点了锅物同少少嘢食
🥢海鲜辣锅 $550
海鲜锅入边材料好多吸引人嘅就系韩国八爪鱼脚，上劲大只又新鲜嘅八爪鱼，婆婆话只要一滚咗煮，佢一阵间就可以即刻食仲好细心咁帮我哋剪细件，果然系超级爽脆，而且好有鲜甜味同韩国食到嘅一样，另外入边仲有蚬，青口，新鲜帆立贝，蔬菜等等，虽然冇图片上嘅蟹但估唔到个汤系非常之清甜，饮完唔会觉得好口渴甜味完全来自食材海鲜嘅味道，味道感觉唔会好似出边𠮶啲汤底咁抢口，但系呢一种就系家庭式温暖嘅味道，饮晒都唔觉得系好重味好有负担嘅感觉
🥢酱油虾$250
呢度嘅酱油虾同出边有唔同，婆婆话俾我哋试吓一份里便有两只唔同口味一只就会系比较清爽啲嘅另外一只就会重味啲嘅一半一半，佢自己就话钟意食龙尾啲𠮶只叫我哋两只都试吓，先食清爽啲嘅味道，一咬落去系超级爽系脆口嘅感觉，酱油味入晒落虾里面，而且佢呢个酱油味甜甜咸咸嘅味道真系好好味，龙尾啲𠮶只感觉上就冇之前𠮶个咁爽，但系都会觉得系爽口，系新鲜嘅感觉，酱油味浓啲更好味，两款虾嘅味道都都钟意，暂时喺香港食过咁多间觉得呢度嘅酱油虾最好食
🥢海鲜煎饼 $130
成日都好想喺韩国舖头食煎饼，但系又好怕一嚟就好大份，同埋都会有点纠结好想食到韩国嘅味道，但系又好想食香港嘅煎饼煎好脆卜卜嘅感觉，因为韩国食嘅会系腍啲嘅唔会脆嘅，但系呢一度最尾都有嗌到一个海鲜煎饼，好彩个份量都唔算大两个人食刚刚好好钟意去落咗好多葱仲要事前煎到好香，海鲜配料就自由发挥，但整体整个蛋饼都煎得好香，好有蛋香味道
🥢马格利酒 $100
食韩国嘢梗系要饮酒米酒最啱最容易入口
🥢好钟意呢一间店嘅婆婆，好似去咗屋企咁样好有家庭温暖，呢一种人情味同埋热情嘅招待香港真系买少见少，再唔好话香港嘅服务态度唔好啦，细心啲揾其实都仲有一啲有人情味嘅舖头，虽然𠮶日去到剩系得三台客，佢都话有时会好忙，有时就好似今日咁静，佢仲带我哋去佢餐厅入边一个神秘包房里便可以坐到30人可以开party有个小酒吧同埋一个露天小花园，花园出边𠮶啲草全部都系真嘅系婆婆自己去买返嚟布置，估唔到入边别有洞天，虽然呢度嘅味道唔算好特别，好惊为天人，卖相都系好普通，甚至乎好似冇乜点样摆盘，但系正正就系呢一种家庭式嘅感觉先至留得人心，有机会真系要再过嚟试吓佢哋嘅酱油蟹同埋佢哋嘅套餐系咪咁抵食先
📍韩国宫 (尖沙咀)
尖沙咀漆咸道漆咸围5-7号宏富大厦地舖
张贴
