居酒屋·姫 (已結業)

之前听过朋友仔讲天文台道有间居酒屋几好食，今晚同另一个朋友去试吓先，入到去装修十足，日本居酒屋感觉非常之唔错！推介佢哋嘅梅酒，入面有原粒梅子啲酒好甜好好饮✨入去坐低职员好热情斟茶俾我哋，佢哋仲会介绍今晚有咩新鲜海鲜。北寄贝唔错😋一于试吓先，都几大只师傅预先帮我哋切开，好鲜甜。仲食咗时令秋刀鱼，师傅切得好靓，仲加咗啲食用花，成个感觉提升。而家系食秋刀鱼嘅季节点少少酸汁已经好好味。鳕鱼白子第一次食，朋友仔话好大件好正，口感棉密香浓鲜味！松叶蟹肉釜饭价钱唔贵，超好食。一打开木盖见到好多蟹肉、葱花，一睇就知价钱合理！饭好香吸收晒蟹肉精华，已经唔需要任何调味已经超好食！月见免治鸡肉棒好大件配埋呢只靓蛋😋成件食晒！牛舌都唔错，最紧要厚，又唔会韧✨