我愛慢煮 (裝修中)

尖沙咀一向都好多野食，如果想性价比高，又可以疯狂打卡嘅话，我爱慢煮就啱晒了。餐厅行露营⛺️风，有好多打卡位，有置身于户外野餐嘅感觉，灯光昏暗，两口子共进晚餐都几浪漫。🐥水牛城鸡翼(5PC)有五只单骨鸡翼，炸至外脆，仲有肉汁，酸甜辣嘅酱汁令人十分开胃，唔错！🐷美式蜜糖芥末猪仔脾猪脾好软嫩，Bbq酱嘅酸甜配蜜糖芥末酱又真同猪脾几夹，个猪脾肉好软嫩，慢煮岀嚟嘅肉真系唔同啲！🦢法式油封鸭脾(IPC)大只鸭脾，个皮带少少脆，油封过后嘅鸭脾可以保留水分和风味，油脂不会渗透到食材中，质地香软可口，食起来却不油腻，鸭肉鲜味令人难忘。🐷加拿大保湿猪鞍(12安士）好好食呀，厚切，一端岀来已索到香烤肉味，令人食指大动，猪鞍半肥瘦，肉质软腍，入口𡁻两下就呑得，一啲都唔嚡口，好惊喜！明太子海鲜意粉有青口，虾，同鱿鱼，个汁味道香浓，但杰身左少少🤏，意粉好挂汁。我地要了两款甜品，日式绿茶红豆比利时窝夫配雪糕，窝夫🧇口感脆中带实，打开仲有满满嘅软糯红豆，都几饱肚，朱古力布朗尼蛋糕软身，雪糕要了玄米茶同曲奇，两款都唔错。热情果芒果特饮冰冻解渴，味道都几清新，芒果同热情果都几夹，推介。