胡蝶 • 泰 (已結業)

今日同FD到尖沙咀行街，睇到哩間餐廳評價唔錯，咁試試啦。餐廳裝修得幾INS風，晚市都幾多人。原來宜家晚市2人同行，只要消費滿300HKD就可以送一隻火焰泰式燒春雞，好抵食。不過FD唔可以食雞，唯有下次再試試。芒果扎肉米紙卷，米紙軟糯Q彈。配料好豐富，有青瓜，生菜，芒果同扎肉等，再點埋搭配嘅泰式酸甜醬汁，食落好清爽好健康。泰式幹炒豬肉河，哩碟餸炒得好有鑊氣，分量都幾大下。河粉炒得好幹身，唔會淋PAT PAT。豬肉炒得好香口，仲搭配埋芥蘭同粟米仔，唔錯。通菜，用蒜蓉方式清炒通菜。通菜炒至啱啱斷生，食落脆爽鮮甜。蒜蓉嘅加入，讓普通通菜增添一絲風味。