雲香園小鍋米線

营业中

休息中

路过尖沙咀，想食返碗米线，发现喺漆咸围嘅小路有一间都几多人帮衬嘅米线铺，于是入去试下。入面嘅米线款式同𩠌菜选择都算多，另外仲有啲小食可以试下。今次试左热拌米线，本身上台时啲汁已经捞得好匀，另外仲有配料例如酸菜、榨菜、花生、肉碎等等，好足料！拣左小小辣，味道唔算好酸好辣但系够味，都几开胃。𩠌就拣左猪软骨、鱼肉春卷同云吞，猪软骨肉炆得够火候，而春卷都唔错。朋友叫左小锅米线，汤底都几正宗，够酸够辣好惹味。𩠌就拣左猪颈肉、猪红、猪肚，台湾肠非常入味，其中猪颈肉同猪肚都好入味，而台湾肠都系坊间比较少有嘅选择。小食叫左蒜泥白肉，蒜泥同辣油调配得好香，而猪肉亦都切得薄，每一啖都好香好惹味！饮品就有港式饮品同汽水，奶茶够香滑，而菊花蜜就比较少有，几滋补！