清潭韓國餐廳

营业中

休息中

放假过咗海港城行街，但海港城真系好多人，揾个地方食饭都有难度，所以就去左Apple隔离揾食，揾到呢间由韩国人主理嘅精致韩国料理 — 清潭韩国餐厅。餐厅装修非常雅致又大气，室内位置以卡座为主，户外仲有海景同打卡位，整体感觉舒适。全部店员都系韩国人，但用英文、普通话沟通都无问题，服务周到！点完菜就会有韩式小菜上枱，可以慢慢食住等！韩式烤牛肉（$230）份量好多，肉质优良，餐厅嘅炉够晒热，烤得恰到好处，口感鲜嫩多汁，配上装料、蔬菜同白饭一起食用更是美味！海鲜豆腐汤（$130）经典韩式汤品，汤汁清爽鲜美，豆腐入口即化，加上虾、青口、蟹等海鲜同各款蔬菜，口感丰富。汤品唔会太辣，但味道浓郁，非常适合喜欢海鲜嘅人品尝。韩拌冷面（$150）韩拌冷面是夏日的最佳解暑菜品之一，面条口感爽滑有嚼劲，拌上辣椒酱、青瓜，味道清新开胃，非常适合在炎炎夏日品尝。店家的韩拌冷面做得非常道地。