Garden Bar & Restaurant

营业中

休息中

今日放工朋友带我去尖沙咀一间好友特色嘅酒吧餐厅，田园风格、再加上时尚酒吧嘅装修，感觉像石屎森林里面嘅一个后花园，令你可以同朋友好舒服咁食吓饭、倾吓计。卤水拼盘卤水拼盘包括有豆腐、鸡翼、鸭舌和鸭肾，分量唔少。卤水汁好入味，但唔会太咸。好少酒吧有卤水食品，值得一赞。日式炸豆腐豆腐外层包上薄薄一层蛋浆来脆炸，再铺上厚厚嘅木鱼丝，因为用上日式豆腐所以十分滑溜，再加埋日式酱汁一齐食，味道一流。豚肉奄列奄列嘅做法好似日式蛋包饭，里面换上一片片嘅豚肉，蛋嘅熟成度做得恰到好处，啱晒我呢个「鸡蛋」控。法式香烤蝴蝶鸡呢味菜式可以话系色香味俱全，蝴蝶式嘅开边做法，已经把鸡嘅胸骨除去，对我呢个唔系太识用刀叉嘅人，真系一大喜讯。