泓居酒屋 (已結業)

最近去咗尖沙咀中港中心近顶层嘅一间居酒屋，环境几舒服同宁静，如果日光时间黎，落地大玻璃窗口仲可以见到九龙公园同尖沙咀绿油油景色，夜晚黎都可以见到尖沙咀夜景! 🔸免治鸡肉棒 $68外皮烧得很酥脆，鸡肉棒好嫩，混入鸡软骨同埋洋葱几有咬口，加埋温泉蛋食永远系最夹嘅配搭!👍🏻🔹明太子鸡翼 $48 明太子咸辣香口几开胃，鸡翼肉质细嫩，味道都几唔错!🔸豚肉西京烧 $48五花腩烧到焦香，岩岩好，口感嫩滑，同西京烧酱汁几夹~🔹鱿鱼糯米饭 $88 几特别嘅菜式，鱿鱼有咬口，烟韧糯米填满晒鱿鱼筒，点埋酱汁食，更带出鲜甜味，怕浓味嘅朋友可能会觉得有点咸，但唔点汁食都唔错~🔸白桃烧酌梳打 $68黎得居酒屋，梗系要点下烧酌，浓郁白桃香，令到烧酌味道更出，加入梳打水口感更清爽易入口!