OPPA Coffee Bar Restaurant

营业中

休息中

为食猫嘅我今次介绍韩国美食俾大家。呢间系位于尖沙咀金巴利街嘅韩国餐厅。两个人食晚饭点左卡邦尼无骨炸鸡、泡菜五花腩汤、虽然是点咗两样食物，但系佢嘅份量真系好多，我哋两个人都食唔晒，特别系炸鸡又去买骨啖啖都系肉，而泡菜五花腩汤酸酸甜甜辣辣，系我钟意嘅味道，开胃！卡邦尼无骨炸鸡我推荐钟意食卡邦尼意粉嘅朋友可以试吓，我平时好钟意食卡邦尼意粉，但系将佢嘅酱汁转咗落炸鸡度又系另一种感觉，美味！而另外要介绍嘅就系佢嘅五花腩酸辣汤，佢嘅味道比一般中式嘅酸辣汤甜味多少少，唔会太过辣同太过酸，但系甜甜地食落都好滋味，唔会太重口味，觉得配埋白饭一齐食更加好味道！而呢间韩国餐厅嘅地点都好方便，位于尖沙咀嘅旺市区，去唔同嘅地方同交通都好便利，食完晚饭或者晚饭前都可以喺附近行吓街shopping 。