浦井韓食居酒屋 (已結業)

今日同朋友相约尖沙咀，去食一间韩食居酒屋🇰🇷🍻餐厅位置系iSquare7楼，眼见有好多空舖，所以地方较幽静👍🏿食饭倾计好地方！餐厅内空间较大，较宽敞。我地叫左个上牛烤🐂，本身牛控嘅我，我认为呢d牛都好高质！叫牛嘅原因，一黎唔洗怕烤得d肉太油，二黎亦吾洗怕d肉生得济，食坏肚！佢有不同牛既部位，份量两个人好够👍🏿亦可用菜包住食，减轻口感太油。另外，亦叫左个雪地狱冷面🍜，亦有热食选择，店内职员会提醒你呢个好辣，可以选择少辣，所以我都拣咗少辣🌶面条爽口，亦配上肋骨同蛋，一齐食，味道好夹！👍🏿另外，叫咗个泡菜香葱饼(海鲜)，有三种味道选择: 海鲜🦑，芝士🧀，辛辣🌶。佢嘅香葱饼吾会好"粉"，亦好有咬口，入面有鱿鱼，好烟韧，感觉唔错！👍🏿呢个芝麻柚子鸡翼，味道一般，不算太特别。最后，呢个甜米酒系免费，因为店内做紧宣传，只要Like&Share Facebook fanpage就送一碗甜米酒！味道甘甜，女性亦好适合饭，加上有d梨花味道，感觉几清香，特别！👍🏿总括而言，呢间韩食居酒屋我好推介💪🏿，首先食物质素及份量，好高好足够，性价比好，加上服务态度一流！