九記打冷.小菜.粉麵 (已結業)

今晚系尖沙咀行过一间食打冷既餐厅，里面装潢好似茶餐厅，座位与座位之间都算宽阔，食饭倾计大声少少都唔怕。炸生大虾$76好奇心驱使下叫左这个菜，之前食打冷都未试过有炸虾食，新鲜炸起原来又会有另一番风味，虾肉一样弹牙鲜嫩，仲多左份油炸既香口。蒜茸炒通菜$63镬气快炒，所以通菜依然爽脆，份量劲足，随时够3、4个人一齐食。韮菜猪红$68猪红入味实剩，韮菜亦非常入味。椒盐九肚鱼$108，上粉够薄唔油腻。咸柠檬雪碧$24，咸柠好够咸，值得一试。热清心丸绿豆爽$48，即叫先煮，亦做得番传统味道，出面已经好少地方食到。