影片
更多
2024-07-15
243 浏览
平日嘅尖沙咀汉口道唔系好多人，甚至带点宁静。 喺地面就已经见到餐厅嘅大招牌，搭电梯落去地库，一入到去竟然全场满座，好旺场呀！坐低先下载app做会员，咁就可以享用会员优惠。 酸菜鱼或鲍鱼二拣一。金汤藤椒酸菜鱼只系$7，咁大碟，必点呀！浓郁酸菜汤酸度适中，可以选择辣度，配合鲜甜嫩滑鱼片，啱晒夏天食！拣咗抵食海鲜烤鸭套餐，四道菜，仲可以半价无限追加甜品。葱油鲜鲍片爽口又鲜嫩嘅鲍鱼片，片得薄薄，均匀咁铺叠喺碟上面，光泽油亮。 加上葱油提味，更加带出海鲜嘅鲜味。小笼包皮薄多汁，做得唔错。先咬开一口，再啜下啲汤汁，好美味！京沪香酥烤鸭烤鸭外皮金黄诱人，咬落油香四溢，入口即化。 下面系鸭肉，肥瘦适中。先放上热辣辣嘅么么皮，六款配料可以自由配搭，再包埋一齐食。以为红红地色嘅配料系山楂条，点知原来系萝白条，个人钟意山楂条多啲，酸酸甜甜同烤鸭嘅味道更加夹。蒜蓉开边蒸海中虾开边海虾配上香浓蒜蓉，简单又入味。望落已经知道系新鲜虾，食落爽口弹牙。爆汁牛肉煎饼呢个真系一定要点，一口咬落去，啲汁爆到成枱都系，超级juicy。外皮煎到酥脆可口，牛肉馅香滑惹味。好少见到一间酒楼会有十几款嘅甜品选择，每款都好吸引。高力豆
坐低先下载app做会员，咁就可以享用会员优惠。 酸菜鱼或鲍鱼二拣一。
金汤藤椒酸菜鱼只系$7，咁大碟，必点呀！浓郁酸菜汤酸度适中，可以选择辣度，配合鲜甜嫩滑鱼片，啱晒夏天食！
拣咗抵食海鲜烤鸭套餐，四道菜，仲可以半价无限追加甜品。
葱油鲜鲍片爽口又鲜嫩嘅鲍鱼片，片得薄薄，均匀咁铺叠喺碟上面，光泽油亮。 加上葱油提味，更加带出海鲜嘅鲜味。
小笼包皮薄多汁，做得唔错。先咬开一口，再啜下啲汤汁，好美味！
京沪香酥烤鸭烤鸭外皮金黄诱人，咬落油香四溢，入口即化。 下面系鸭肉，肥瘦适中。先放上热辣辣嘅么么皮，六款配料可以自由配搭，再包埋一齐食。
以为红红地色嘅配料系山楂条，点知原来系萝白条，个人钟意山楂条多啲，酸酸甜甜同烤鸭嘅味道更加夹。
蒜蓉开边蒸海中虾开边海虾配上香浓蒜蓉，简单又入味。望落已经知道系新鲜虾，食落爽口弹牙。
爆汁牛肉煎饼呢个真系一定要点，一口咬落去，啲汁爆到成枱都系，超级juicy。外皮煎到酥脆可口，牛肉馅香滑惹味。
好少见到一间酒楼会有十几款嘅甜品选择，每款都好吸引。
高力豆沙系即制，热辣辣又有香甜浓郁豆沙饼馅，口感松软。不过见到有点多油，如果用吸油纸索一索油再上枱，成个嘅观感会好好多。
鲜奶炖桃胶养颜佳品，炖奶软嫩顺滑，配上嫩滑桃胶，低甜清润。
晏昼仲有特价点心，价钱几抵食，有啲一份两件，少人数都可以食到多款点心啦。
要一赞嘅系好多店员都有笑容有礼貌，系难得嘅！
张贴
