圓山台灣料理 (已結業)

講到台灣圓山，一定會想起出名的台灣圓山大飯店，其實香港都有間圓山台灣料理，除左可以食到台式小菜點心，仲可以飲茶，不乏廣東點心，是尖沙咀飲茶的好地方。中午茶位費系每人11蚊，各式茶點小菜大多分為特點，大點，中點，小點，當然也可以叫特色菜，有d仲做緊周年半價優惠，選擇系極豐富的！必食招牌雪影叉燒包，一籠三件，新鮮滾熱辣，外型討好，飽滿酥脆，叉燒醬餡呼之欲出，叉燒大粒不算肥，新鮮鬆軟的口感是我的最愛。台式肉鬆皮蛋豆腐，強烈推薦！皮蛋系正宗台灣松花皮蛋，非常糖心，透明部分非常彈口，將嫩滑的豆腐同肉鬆溶合，又香又滑。台式三杯雞，做緊周年半價優惠，抵食！最喜歡佢既九層塔香味，好有台灣味，不算太油，雞肉質素不俗。另外廣東點心也很贊，例如春風香脆百花腸，香麻炸蛋散，椰香棗茸糕。腸粉皮細滑，最欣賞佢豐富的口感，脆脆包著大蝦仁，口感層次令人驚喜。芝麻很香，同蛋散好夾，帶出蜜糖的甜，令人很滿足。飯後甜品推薦椰香棗茸糕，不會太甜，但棗味香濃！