影片
更多
2020-10-23
2587 浏览
呢晚同朋友去尖沙咀食饭，我哋见K11对面间「味道乐居酒屋🏮」门面好似唔错㖞，就一于试下。好彩我哋食得早，晏啲都无枱啊，好多人预先订咗位。作为一间居酒屋，佢有齐各样必备嘅日本菜，包括送酒小食、刺身寿司🍣、串烧🍢、一品料理同和食🍙等，价钱就一般啦，但我见啲午市套餐就几抵。由于晏昼食咗鱼生饭，所以夜晚我就冇叫到寿司刺身，主要食熟食，两个人食以上份量都够哂饱👍。野菜牛肉汤乌冬($98)，乌冬系第一道上菜嘅食物，一开始嘅时候净系见到铺面嘅半熟牛肉，以及啡色嘅汤底，感觉有啲似越南粉，哈哈🤣，但卖相都唔错，份量亦唔少。牛肉片好足料，有好多块🥩。乌冬口感几弹牙唔错，另外原来𩠌料仲有各式各样嘅菇菇，如金菇、蟹味菇同冬菇等。牛肉寿喜烧($108)，🍲寿喜烧嚟讲价钱唔贵，牛肉份量多，上枱时牛肉偏生，记得衬个汤仲热时渌熟佢。汤头甜甜的几惹味，同牛肉乌冬个汤唔同。垫底有唔少蔬菜，如果配埋粉丝会更出色。题外话，小锅用有火炉仔㷫住🔥，成个炉具组合几得意。本身预期会好滚好热，但又唔算啵。铁板蒜片香煎厚切煎牛舌($78)，牛肉，全部都系牛肉，皆因我哋系牛魔王。牛脷卖相好有霸气😎，因为木板上面再放咗块铁板，店员提醒要小心
呢晚同朋友去尖沙咀食饭，我哋见K11对面间「味道乐居酒屋🏮」门面好似唔错㖞，就一于试下。好彩我哋食得早，晏啲都无枱啊，好多人预先订咗位。
作为一间居酒屋，佢有齐各样必备嘅日本菜，包括送酒小食、刺身寿司🍣、串烧🍢、一品料理同和食🍙等，价钱就一般啦，但我见啲午市套餐就几抵。
由于晏昼食咗鱼生饭，所以夜晚我就冇叫到寿司刺身，主要食熟食，两个人食以上份量都够哂饱👍。
野菜牛肉汤乌冬($98)，乌冬系第一道上菜嘅食物，一开始嘅时候净系见到铺面嘅半熟牛肉，以及啡色嘅汤底，感觉有啲似越南粉，哈哈🤣，但卖相都唔错，份量亦唔少。
牛肉片好足料，有好多块🥩。乌冬口感几弹牙唔错，另外原来𩠌料仲有各式各样嘅菇菇，如金菇、蟹味菇同冬菇等。
牛肉寿喜烧($108)，🍲寿喜烧嚟讲价钱唔贵，牛肉份量多，上枱时牛肉偏生，记得衬个汤仲热时渌熟佢。汤头甜甜的几惹味，同牛肉乌冬个汤唔同。垫底有唔少蔬菜，如果配埋粉丝会更出色。
题外话，小锅用有火炉仔㷫住🔥，成个炉具组合几得意。本身预期会好滚好热，但又唔算啵。
铁板蒜片香煎厚切煎牛舌($78)，牛肉，全部都系牛肉，皆因我哋系牛魔王。牛脷卖相好有霸气😎，因为木板上面再放咗块铁板，店员提醒要小心热。👅牛脷肉质好嫩，推介配埋蒜片一齐食！
烟肉荔枝卷($58)，一客有两串。呢个配搭系皇牌之选，🥓烟肉嘅咸香配以荔枝嘅甜味，相映成趣。
香炸日本池鱼仔($58)，之前喺其他地方食过好正，所以喺度再试试🐟。鱼仔炸到脆脆的，成条都食得，建议一定要沾沙律酱食。
明太子鸡翼($58)，一客有两只。🍗炸鸡翼去骨后，酿入咗明太子粒粒，味道正正常常，唔算有太大惊喜。
总括嚟讲，居酒屋晚餐令人愉快，食物同装修好切合主题。朋友要揸车，所以我哋今晚就无嗌到酒，有机会可以小酹一下🍶。我哋废事霸住人哋张枱，八点钟左右离座，差唔多全场爆满，认真厉害！
张贴
