燒魂

营业中

休息中

𠮶日喺尖沙咀同朋友行街，眨吓眼就行咗成日，又要揾晚餐食咩好。因为朋友系食量比较大，所以佢都好想食放题。啱得咁跷朋友想食刺身，但系我想食烧肉，唯有要揾间两样都有得食嘅餐厅。好彩俾我哋search到呢间餐厅两样都有得食，𠮶日我哋去嘅时候好彩够早，啱啱好有得Walk in食。呢度嘅设计好好，因为大部份位都系卡位，私隐度比较高，倾偈自由自在又坐得舒服。呢度有好多唔同嘢拣，除咗刺身寿司呢啲放题必有嘅嘢食之外，烧烤方便有牛肉，猪肉，鸡肉，净系牛肉都有成10款选择，我自己个人好钟意食牛舌，呢度仲要有两款牛舌选择，够晒有心意。熟食方便，好有惊喜嘅包括蒜爆通菜，煮得非常香浓惹味。呢度除咗嘢食都质素之外，价钱亦都唔算贵，店员亦都亲切有礼，如果之后再要食放题都会考虑再返嚟呢度。